ពិធីចុះអនុស្សរណៈនៃការយោគយល់គ្នារវាង វិទ្យាស្ថានគណនេយ្យករជំនាញ និងសវនករកម្ពុជា (វ.គ.ស.ក.) និង សាលា អឹផឡូ ប៊ីស្សនេស ស្តីពីការទទួលយកកម្មវិធីសិក្សាបច្ចេកទេសគណនេយ្យទៅបង្រៀន និងការទទួលស្គាល់សាលា អឹផឡូ ប៊ីស្សនេស ជាស្ថាប័នបណ្តុះបណ្តាលដៃគូ ដែលប្រព្រឹត្តទៅនៅថ្ងៃទី ៦ ខែកញ្ញា ឆ្នាំ២០២៤ វេលាម៉ោង ១០:០០ នាទីព្រឹក នៅបន្ទប់ប្រជុំ វ.គ.ស.ក.។ កិច្ចសហការនេះគឺជាជំហានឆ្ពោះទៅមុខយ៉ាងសំខាន់ក្នុងការបង្កើនឱកាសសម្រាប់សិស្សានុសិស្សនៅក្នុងកម្មវិធីបច្ចេកទេសគណនេយ្យ (ATQ) ។ តាមរយៈនៃការចុះអនុស្សរណៈនេះ យើងនឹងធ្វើការសម្របសម្រួលកម្មសិក្សា ដែលផ្តល់នូវបទពិសោធក្នុងពិភពពិតដ៏មានតម្លៃ និងកំណើនវិជ្ជាជីវៈគណនេយ្យករមួយដ៏ពិតប្រាកដ។