សូមអញ្ជើញចុះឈ្មោះចូលរួមសិក្ខាសាលាអនឡាញឥតគិតថ្លៃជាមួយ វ.គ.ស.ក. ក្រោមប្រធានបទ “ការផ្ទេរថ្លៃ” នៅថ្ងៃអង្គារ ទី១៩ ខែវិច្ឆិកា គ.ស.២០២៤ វេលាម៉ោង ៩:០០ ដល់ ម៉ោង ១១:០០

សូមចុះឈ្មោះតាមរយៈតំណភ្ជាប់៖ https://shorturl.at/wUVJ5

ក្រោមកិច្ចសហប្រតិបត្តិការជាមួយអគ្គនាយកដ្ឋានពន្ធដារ វិទ្យាស្ថានគណនេយ្យករជំនាញ និងសវនករកម្ពុជា (វ.គ.ស.ក.) នឹងរៀបចំសិក្ខាសាលាអនឡាញស្តីអំពី “ការផ្ទេរថ្លៃ” នៅថ្ងៃអង្គារ ទី១៩ ខែវិច្ឆិកា គ.ស.២០២៤ ដោយមានការអញ្ជើញចូលរួមពីវាគ្មិនកិត្តិយសតំណាងពីអគ្គនាយកដ្ឋានពន្ធដារ លោក ទ្រី ច័ន្ទតារារិទ្ធ, អនុប្រធានការិយាល័យនៃនាយកដ្ឋានសវនកម្មសហគ្រាស នៃអគ្គនាយកដ្ឋានពន្ធដារ។ សិក្ខាសាលានេះ មានគោលបំណងបង្ហាញឱ្យអ្នកជាប់ពន្ធ សាធារណជន ទាំងអស់បានយល់អំពីបទប្បញ្ញតិ្តពាក់ព័ន្ធនឹងការផ្ទេរថ្លៃ ទិដ្ឋភាពទូទៅស្តីពីការផ្ទេរថ្លៃ សារៈសំខាន់នៃការផ្ទេរថ្លៃ កត្តាកំណត់ភាពដែលអាចធៀបបាន វិធីសាស្រ្តផ្ទេរថ្លៃ និងការកាន់កាប់រក្សាទុកឯកសារ

សិក្ខាសាលានេះ រៀបចំសម្រាប់សមាជិកនៃ វ.គ.ស.ក. គណនេយ្យករ សវនករ បុគ្គលិកផ្នែកហិរញ្ញវត្ថុ ថ្នាក់គ្រប់គ្រង ភ្នាក់ងារសេវាកម្មពន្ធ សិស្ស និស្សិត និងអ្នកជាប់ពន្ធ។

បញ្ជាក់៖ សិក្ខាសាលាអនឡាញនេះ ធ្វើឡើងជាភាសាខ្មែរ និងមានការបកប្រែជាភាសាអង់គ្លេស។ សមាជិកនៃ វ.គ.ស.ក. ចូលរួមសិក្ខាសាលាអនឡាញនេះនឹងទទួលបាន CPD 2 ម៉ោង។