លក្ខខណ្ឌចូលជាសមាជិក

វិទ្យាស្ថានគណនេយ្យករជំនាញ និងសវនករកម្ពុជា (វ.គ.ស.ក.) សូមជម្រាបជូន លោក លោកស្រី ឬតំណាងក្រុមហ៊ុនដែលមានបំណងចុះឈ្មោះជាសមាជិក វ.គ.ស.ក. ត្រូវមានលក្ខណៈវិនិច្ឆ័យដូចខាងក្រោម៖
សមាជិកប្រភេទក្រុមហ៊ុន
ក.	បំពេញនូវបែបបទសុំចុះឈ្មោះជាសមាជិក
ខ.	រចនាសម្ព័ន្ធក្រុមហ៊ុន៖
	–	ក្នុងករណីម្ចាស់ភាគហ៊ុនជារូបវ័ន្តបុគ្គល៖ ជាក្រុមហ៊ុនដែលបានចុះបញ្ជីនៅក្រសួងពាណិជ្ជកម្មនៃព្រះរាជាណាចក្រកម្ពុជា ក្នុងទម្រង់ណាមួយដែលមានម្ចាស់ភាគហ៊ុនជា សមាជិកសមាគត ឬសមាជិកចូលរួម ឬសមាជិកសកម្មជាគណនេយ្យករជំនាញ ឬសមាជិកសកម្មជាសវនករប្រតិស្រុតរបស់ វ.គ.ស.ក. យ៉ាងតិច ១(មួយ) រូប កាន់កាប់ភាគហ៊ុន ៥០% ឬ
	–	ក្នុងករណីម្ចាស់ភាគហ៊ុនជានីតិបុគ្គល ៖ ជាក្រុមហ៊ុនដែលចុះបញ្ជីនៅក្រសួងពាណិជ្ជកម្មនៃព្រះរាជាណាចក្រកម្ពុជា ក្នុងទម្រង់ណាមួយដែលមានសមាស ភាពក្រុមប្រឹក្សាភិបាលយ៉ាងតិច ៥០%ជាសមាជិកសមាគត ឬសមាជិកចូលរួម ឬសមាជិកសកម្មជាគណនេយ្យករ ជំនាញ ឬសមាជិកជាសវនករប្រតិស្រុតរបស់ វ.គ.ស.ក. ឬ
គ.	កម្មវត្ថុអាជីវកម្មចម្បងដែលមាននៅក្នុងលក្ខន្តិកៈក្រុមហ៊ុនត្រូវតែជាសេវាកម្មគណនេយ្យ និង/ឬសវនកម្ម
ឃ.	ប័ណ្ណប៉ាតង់ និងវិញ្ញាបនបត្រអាករលើតំលៃបន្ថែមត្រូវតែមានឈ្មោះសមាជិកសមាគត ឬសមាជិកចូលរួម ឬសមាជិកសកម្ម ជាគណនេយ្យករជំនាញ ឬសមាជិកសកម្មជាសវនករប្រតិស្រុតជាម្ចាស់សហគ្រាស
ង.	ប្រវត្តិរូបរបស់ភាគហ៊ុនិក និងសមាជិកក្រុមប្រឹក្សាភិបាល
ច.	បង្កាន់ដៃបង់ថ្លៃដាក់ពាក្យសុំចូលជាសមាជិក (ច្បាប់ថតចម្លង)។
ក្រុមហ៊ុនដែលជាសមាជិករបស់ វ.គ.ស.ក. មានសិទ្ធិប្រកបវិជ្ជាជីវៈគណនេយ្យ និង/ឬសវនកម្ម ប៉ុន្តែត្រូវបំពេញតាមតម្រូវការដែលមានចែងក្នុងប្រកាសស្តីពីការគ្រប់គ្រងអាជ្ញាប័ណ្ណគណនេយ្យ និងសវនកម្ម និងវិធានសមាជិកភាពរបស់ វ.គ.ស.ក. ។
សម្គាល់៖ បន្ទាប់ពីការយល់ព្រមចូលជាសមាជិកភាព វ.គ.ស.ក. ក្រុមហ៊ុនរបស់អ្នកត្រូវទិញនូវធានារ៉ាប់រងវិជ្ជាជីវៈ។