វគ្គបណ្តុះបណ្តាលគ្រូបង្គោលក្រោមប្រធានបទ “បច្ចុប្បន្នភាពនៃគណនេយ្យ ”
នារសៀលថ្ងៃពុធ-ព្រហស្បតិ៍ ៥និង៦ កើត ខែមាឃ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី ១៤និង១៥ ខែកុម្ភៈ ឆ្នាំ២០២៤ វិទ្យាស្ថានគណនេយ្យករជំនាញនិងសវនករកម្ពុជា(វ.គ.ស.ក.) បានរៀបចំវគ្គបណ្តុះបណ្តាលគ្រូបង្គោលក្រោមប្រធានបទ “បច្ចុប្បន្នភាពនៃគណនេយ្យ ” សម្រាប់សាស្រ្តាចារ្យប្រមាណ ២៧រូបដែលជាគ្រូបង្គោលមកពី១៣ស្ថាប័នអប់រំផ្សេងៗគ្នា។ វគ្គបណ្តុះបណ្តាលនេះ មានការអញ្ជើញចូលរួមបង្រៀនដោយលោកគ្រូ ឡុង បូរិន្ទ ជាគ្រូបង្គោលដែលមានបទពិសោធន៍ជាច្រើនឆ្នាំក្នុងអាជីពគណនេយ្យ។ ជាលទ្ធផល វគ្គបណ្តុះបណ្តាលនេះបានចូលរួមពង្រឹងសមត្ថភាពលោកគ្រូអ្នកគ្រូបន្ថែមឱ្យ៖
១.យល់ដឹងកាន់តែច្បាស់អំពីបច្ចុប្បន្នភាពនៃគណនេយ្យ
២.ធ្វើឱ្យការបង្រៀនមុខវិជ្ជាគណនេយ្យកាន់តែមានប្រសិទ្ធភាពខ្ពស់តាមរយៈការផ្សារភ្ជាប់ចំណេះដឹងនឹងការអនុវត្តជាក់ស្តែង
៣.ជួយជំរុញឱ្យកម្រិតប្រឡងជាប់របស់សិស្សនិស្សិតទទួលបានភាគរយខ្ពស់ក្នុងការប្រឡងបច្ចេកទេសគណនេយ្យ(ATQ)
កម្មវិធីនេះត្រូវបានបញ្ចប់ប្រកបដោយផ្លែផ្កា និងភាពរីករាយក្រៃលែង។
