ពិធីចុះអនុស្សរណៈនៃការយោគយល់គ្នារវាងវិទ្យាស្ថានគណនេយ្យករជំនាញនិងសវនករកម្ពុជា (វ.គ.ស.ក.) និង ក្រុមហ៊ុន សូតា ប្រឹហ្វេសិនណល ឯ.ក
ពិធីចុះអនុស្សរណៈនៃការយោគយល់គ្នារវាងវិទ្យាស្ថានគណនេយ្យករជំនាញនិងសវនករកម្ពុជា (វ.គ.ស.ក.) និង ក្រុមហ៊ុន សូតា ប្រឹហ្វេសិនណល ឯ.ក ស្តីពីការចុះកម្មសិក្សា របស់និស្សិត ក្នុងកម្មវិធីសិក្សាបច្ចេកទេសគណនេយ្យ បានប្រព្រឹត្តទៅនៅថ្ងៃទី២១ ខែមិថុនា ឆ្នាំ២០២៣ នៅបន្ទប់ប្រជុំ វ.គ.ស.ក.។
ខ្លឹមសារនៃអនុស្សរណៈនេះមានគោលបំណងផ្តល់ឱកាសជូននិស្សិតដែលកំពុងសិក្សាកម្មវិធីបច្ចេកទេសគណនេយ្យ (ATQ) របស់ វ.គ.ស.ក. ចុះកម្មសិក្សាផ្ទាល់ជាមួយក្រុមហ៊ុន សូតា ប្រឹហ្វេសិនណល ឯ.ក ដែលជាក្រុមហ៊ុនគណនេយ្យនិងសវនកម្ម និងជាសមាជិក វ.គ.ស.ក. មួយនៅកម្ពុជា។ បន្ថែមលើខ្លឹមសារនេះក្រុមហ៊ុន សូតា ប្រឹហ្វេសិនណល ឯ.ក នឹងជំរុញលើកទឹកចិត្តឱ្យបុគ្គលិករបស់ខ្លួនចូលរួមសិក្សានិងប្រឡងក្នុងកម្មវិធីបច្ចេកទេសគណនេយ្យនេះផងដែរ។ កម្មវិធីសិក្សានេះនឹងក្លាយជាផ្នែកមួយនៃការពង្រឹងសមត្ថភាពនិងផលិតភាពបុគ្គលិកឱ្យកាន់តែប្រសើរជាងមុន។
