នៅរសៀលថ្ងៃព្រហស្បតិ៍ ១០ រោច ខែស្រាពណ៍ ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី២៩ ខែសីហា គ.ស. ២០២៤ លោកស្រី Hien Nguyen ប្រធានតំបន់ CPA Australia ប្រចាំ​វៀតណាម​​ខាងជើង​ លោក ជេន​ ផាត​​ អគ្គនាយករងនៃនិយ័តករគណនេយ្យនិងសវនកម្ម តំណាងដ៏ខ្ពង់ខ្ពស់ឯកឧត្តម​ ប៊ូ​ ថារិន​ អគ្គនាយកនៃនិយ័តករគណនេយ្យនិងសវនកម្ម រួមទាំងមន្ត្រីជំនាញ​ ក្រុមការងាររបស់​ CPA Australia North Vietnam និង​ ន.គ.ស. បានបំពេញទស្សនកិច្ចនៅការិយាល័យ វ.គ.ស.ក. ដើម្បីពង្រឹងកិច្ចសហប្រតិបត្តិការរវាងស្ថាប័នទាំងបីឱ្យកាន់តែមានភាពរឹងមាំ។ លោក ឃុន ដារិទ្ធ ប្រធានក្រុមប្រឹក្សាភិបាលនៃ វ.គ.ស.ក. លោកស្រី សាវុធ ដាលី នាយកប្រតិបត្តិនៃ វ.គ.ស.ក. និងក្រុមការងារនៃ វ.គ.ស.ក. បានទទួលស្វាគមន៍យ៉ាងកក់ក្តៅ និងសម្តែងនូវអំណរអរគុណយ៉ាងជ្រាលជ្រៅចំពោះទស្សនកិច្ចក្នុងការពង្រឹងកិច្ចសហប្រតិបត្តិការនេះ។