ប្រជុំពិភាក្សាជាមួយថ្នាក់ដឹកនាំ និងមន្រ្តីបច្ចេកទេសរបស់ និយ័តករគណនេយ្យនិងសវនកម្ម ពាក់ព័ន្ធនឹងការចុះសិក្សាឈ្វេងយល់បន្ថែមលើកម្មវិធីសិក្សាបច្ចេកទេសគណនេយ្យ និង ប្រព័ន្ធចុះឈ្មោះនៃកម្មវិធី ATQ
នាព្រឹកថ្ងៃអង្គារ ៣ កើត ខែអស្សុជ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី១៧ ខែតុលា ឆ្នាំ២០២៣ លោកស្រី សាវុធ ដាលី នាយកប្រតិបត្តិស្តីទីនៃ វ.គ.ស.ក. និងលោក ជា ធួន នាយកផ្នែកអប់រំនៃ វ.គ.ស.ក. បានជួបប្រជុំពិភាក្សាជាមួយថ្នាក់ដឹកនាំ និងមន្រ្តីបច្ចេកទេសរបស់និយ័តករគណនេយ្យនិងសវនកម្ម ពាក់ព័ន្ធនឹងការចុះសិក្សាឈ្វេងយល់បន្ថែមលើកម្មវិធីសិក្សាបច្ចេកទេសគណនេយ្យ និងប្រព័ន្ធចុះឈ្មោះនៃកម្មវិធី ATQ នៅបន្ទប់ប្រជុំនៃ វ.គ.ស.ក. ។ កិច្ចប្រជុំពិភាក្សានេះមានគោលបំណង៖
– ចែករំលែកពីបទពិសោធន៍ និងវិធីសាស្ត្រក្នុងការគ្រប់គ្រងកម្មវិធីសិក្សាបច្ចេកទេសគណនេយ្យ ATQនិងផ្នែកព័ត៌មានវិទ្យារបស់ វ.គ.ស.ក.
-បញ្ជ្រាបការយល់ដឹងបន្ថែមលើទិដ្ឋភាពទូទៅ នៃប្រព័ន្ធចុះឈ្មោះរបស់កម្មវិធីសិក្សាបច្ចេកទេសគណនេយ្យ ATQ របស់ វ.គ.ស.ក.
-ផ្តល់ធាតុចូលដើម្បីអភិវឌ្ឍបន្ថែមលើផ្នែកអប់រំ និងផ្នែកព័ត៌មានវិទ្យារបស់ ន.គ.ស.។
កិច្ចប្រជុំពិភាក្សានេះ ត្រូវបានបញ្ចប់នៅវេលាម៉ោង ១២និង៣០នាទីព្រឹក នាថ្ងៃ ខែ ឆ្នាំដដែលប្រកបដោយផ្លែផ្កា និងកិច្ចសហប្រតិបត្តិការខ្ពស់។
