អបអរសាទរខួបលើកទី២០ឆ្នាំនិងពិសាអាហារពេលល្ងាច
នៅល្ងាចថ្ងៃសុក្រ ១៣កើត ខែបឋមាសាឍ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៣០ ខែមិថុនា ឆ្នាំ២០២៣ វិទ្យាស្ថានគណនេយ្យករជំនាញនិងសវនករកម្ពុជា (វ.គ.ស.ក.) បានប្រារព្ធកម្មវិធី “អបអរសាទរខួបលើកទី២០ឆ្នាំនិងពិសាអាហារពេលល្ងាច” ក្រោមអធិបតីភាពដ៏ខ្ពង់ខ្ពស់ ឯកឧត្តម ងី តាយី រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុទទួលបន្ទុកនិយ័តករគណនេយ្យនិងសវនកម្ម និងមានការចូលរួមពី អគ្គនាយករងនៃនិយ័តករគណនេយ្យនិងសវនកម្ម ប្រធាន អនុប្រធាន សមាជិកក្រុមប្រឹក្សាភិបាល ដៃគូ និងសមាជិករបស់ វ.គ.ស.ក.ជាច្រើនរូប នៅសណ្ឋាគាររ៉េស៊ីដង់ សុខាភ្នំពេញ។ កម្មវិធីនេះបានបង្ហាញឱ្យឃើញនូវសមិទ្ធផលដ៏ធំធេងដែល វ.គ.ស.ក. សម្រេចបានក្នុងរយៈពេល២០ឆ្នាំកន្លងមក ហើយក៏បានបង្ហាញពីស្មារតីសាមគ្គីភាពនិងភាតរភាពរបស់សមាជិកក្នុងការអភិវឌ្ឍវិជ្ជាជីវៈគណនេយ្យនិងសវនកម្មនៅកម្ពុជា។ កម្មវិធីអបអរសាទរខួបលើកទី២០ឆ្នាំនេះ បានប្រព្រឹត្តទៅដោយក្តីសោមនស្សរីករាយនិងស្និតស្នាលក្រៃលែង។
